سبەی یەكەم ڕۆژی مانگی ڕەمەزان دیار دەكرێت

ئاڤا نیوز

سبەی لیژنەی بینینی مانگ لە هەرێمی كوردستان، چاودێریی دەركەوتنی مانگ دەكەن و بڕیار سەبارەت بە دیاركردنی یەكەم ڕۆژی مانگی ڕەمەزان دەدەن.

زانیاریی بەدەستهاتوو: ئێوارەی سبەی هەینی 2025-02-28، چەند تیمێكی لیژنەی بینینی مانگی سەر بە وەزارەتی ئەوقافی حكومەتی هەرێمی كوردستان لە چەند شوێنێكی جیا چاودێریی دەركەوتنی مانگ دەكەن بۆ ئەوەی لەسەر ئەو بنەمایە بڕیار سەبارەت بە دیاركردنی یەكەم ڕۆژی مانگی ڕەمەزان بدەن.

قووڵتر: ئەگەر لیژنەكە ئێوارەی سبەی مانگیان بینی ئەوا ڕۆژی شەممە دەبێتە یەكەم ڕۆژی مانگی ڕەمەزان و ئەگەریش نەیانبینی، یەكشەممە دەبێتە یەكەم ڕۆژی مانگی ڕەمەزان.

ئەوەی پێویستە بیزانیت: هەرچەندە مەرجەعی باڵای شیعە مەزهەبەکان لە عێراق، ڕۆژی 2025-03-02ـی وەکو یەکەم ڕۆژی مانگی ڕەمەزانی دیار كردووە،  بەڵام وەقفی سوننی لە عێراق تاوەکو ئێستا هیچ بڕیارێکی نەداوە سەبارەت بە دیارکردنی یەکەم ڕۆژی ڕەمەزان، بەپێی پێشبینییە فەلەكناسییەكانیش ڕۆژی شەممەی داهاتوو 2025-03-01، یەكەم ڕۆژی مانگی ڕەمەزانە.