ترەمپ: دەبێت لە کۆچبەر و بازرگانی ماددە هۆشبەرەکان بترسین نەک پووتین

ئاڤا نیوز

 

سەرۆکی ئەمریکا ڕیگەیاند، پێویستە ئەمریکییەکان نیگەران بن لە کێشە ناوخۆییەکان بەتایبەتی کۆچبەران و بازرگانانی ماددە هۆشبەرەکان، نەک ڤلادیمێر پووتین سەرۆکی ڕوسیا.

 

وێنە گەورەکە: لە دوای دەستبەکاربوونی دۆناڵد ترەمپ، سەرۆکی ویلایەتە یەکگرتووەکانی ئەمریکا، زۆرترین کۆچبەری بۆ وڵاتەکەیان دیپۆرتکردووەتەوە، وەک هەڕەشەیەکی ئەمنی بۆ سەر وڵاتەکەی دادەنێت.

 

ڕاگەیێنراوی فەرمی: دۆناڵد ترەمپ، سەرۆکی ویلایەتە یەکگرتووەکانی ئەمریکا ڕایگەیاند: ''پێویستە کەمتر خەمی پووتین بخۆین و زیاتر لە کۆچبەر و بارزگانانی ماددەی هۆشبەر، بکوژان بترسین بۆ ئەوەی وەکو ئەوروپا کۆتاییمان پێنەهێت''.

 

لەلایەکی دیکەوە: دوێنێ یەکشممە، هەر لەسەر پرسی کۆچبەرە نایاساییەکان، ئەمریکا سەربازی زیاتری ڕەوانەی سنووری نێوان مەکسکیک وڵاتەکەی کرد ئەمەش بۆ پاراستنی سنوورەکانی لە هاتنی کۆچبەری زیاتر.

 

ئەمەش بزانە: ئەم لێدوانەی ترەمپ لەکاتێکدایە کە دەمەقاڵێکی توندی لەگەڵ ڤۆلۆدیمێر زێلێنسکی، سەرۆکی ئۆکراینا  هەبوو، دەیەوێت پەیوەندییەکانی لەگەڵ ڕووسیا و پووتین باشتر بکات .