بنیامین نەتانیاهۆ هەڕەشە لە سووریا دەکات

 

ئاڤا نیوز

بنیامین نەتانیاهۆ سەرۆکوەزیرانی ئیسرائیل جارێکی دیکە هەڕەشە لە سەرکردایەتی نوێی سووریا دەکات و دەڵێت هێزەکانی ئیسرائیل هێرش دەکەنە سەر گوندی جەرمانەی سووریا کە گوندێکی دروز نشینە لە نزیک دیمەشق.

چیرۆکی سەرەکی: ئیسرائیل بە بیانووی ئەوەی تیرەی دروز کەوتوونەتە ژێر مەترسی هێرشی سوپای سووریای نوێ و دەیەوێت فریایان بکەوێت، دەڵێت نا‌هێڵێت سووریا زیانیان پێ بگەیێنێت و ئیسرائیل دەیانپارێزێت.

لێدوانی فەرمی: ڕۆژنامە ئیسرائیلییەکان دەڵێن نەتانیاهۆ و وەزیری بەرگری ئیسرائیل ڕێنماییان داوەتە سوپای ئیسرائیل تاوەکو ئامادەکاری بکەن بۆ هێرشکردنە سەر سوپای سووریا لە گوندی جەرمانەی دروزەکان.

زانیاریی زیاتر: نوسینگەی سەرۆکوەزیرانی ئیسرائیل ڕایگەیاندووە ڕێگە نادەن تیرۆری ئیسلامیی توندڕەو تیرەی دروز ئازار بدەن و ئەگەر وابکەن ئەمان بێدەنگ نابن.