پەرلەمانی عیراق ئامادەکاری بۆ هەمواری یاسای بەرەنگاربوونەوەی ماددە هۆشبەرەکان دەکات

ئاڤا نیوز

بەهۆی ئەو گۆڕانکارییە خێرایەی لە ناوخۆی عێراق دروستبووە و بووەتە ناوەندی بەرهەمهێنانی ماددە هۆشبەرەکان و شا ڕێگەی گواستنەوەی ئەو ماددەیە بۆ وڵاتانی دیکە، پەرلەمانی عێراق لەبەردەم هەموارکردنەوەی بەپەلەی یاسای بەرەنگاربوونەوەی ماددە هۆشبەرەکانە. 

وێنە گەورەکە: بەپێی ڕاپۆرتە جیهانی و ناوخۆییەکان، عێراق تەنها ناوەندی گواستنەوەی ئەو ماددانە نییە لە ئەفغانستان و ئێران و سووریاوە، بەڵکو بەردەوام ئێستا لە وڵاتەکە کارگەی نوێی بەرهەمهێنانی ماددەی هۆشبەر دەدۆزرێتەوە، ئەمەش وڵاتەکەی لە بەکارهێنەرەوە گۆڕیوە بۆ بەرهەمهێنەر. 

ڕاگەیێنراوی فەرمی: فەرمانگەی ڕاگەیاندنی پەرلەمانی عێراق بڵاویکردووەتەوە، لیژنەی یاسای پەرلەمان سەقاڵی کۆبوونەوەی فراوانن لەگەڵ لایەن پەیوەندیدارەکان، بەمەبەستی تاوتوێکردنی هەموارکردنەوەی یاسای بەرەنگاربوونەوەی ماددەی هۆشبەر. 

لەلایەکی دیکەوە: لیژنەی بەرەنگاربوونەوەی ماددە هۆشبەرەکان و کارتێکەرە دەروونییەکان ڕایگەیاندووە، ژمارەیەک کارگەی بەرهەمهێنای ماددەی هۆشبەریان لە پارێزگاکانی بەسرە، سەماوە و سلێمانی دەستیان بەسەردا گیراوە.