پەرلەمانی عێراق بۆ دەنگدان و خوێندنەوە لەسەر شەش پرۆژە یاسا کۆدەبێتەوە

 

ئاڤا نیوز

پەرلەمانی عێراق ڕۆژی شەممە کۆدەبێتەوە بۆ دەنگدان لەسەر دوو پرۆژە یاساو خوێندنەوەش بۆ چوار پرۆژەیاسای دیکە دەکات.

چیرۆکی سەرەکی: بڕیارە دانیشتنی پەرلەمانی عێراق کاتژمێر 1:00ـی پاش نیوەڕۆی ڕۆژی شەممە 2025-03-08، بەڕێوەبچێت، کارنامەی دانیشتنەکە شەش بڕگە لەخۆدەگرێت.

ڕاگەیێنراوی فەرمی: بە گوێرەی ڕاگەیێنراوی نووسینگەی ڕاگەیاندنی پەرلەمانی عێراق، ڕۆژی شەممە 8ـی ئازار دانیشتنی پەرلەمانی عێراق بەڕێوەدەچێت و ئەم بڕگانە لەخۆدەگرێت:

یەکەم: دەنگدان لەسەر پرۆژەیاسای هەمواری چوارەمی یاسای وەبەرهێنانی پیشەسازی بۆ هەردوو کەرتی تایبەت و تێکەڵ.

دووەم: دەنگدان لەسەر بڕیار بە شێوەی ڕاسپاردە بۆ وەزارەتی پەروەردە بەمەبەستی کارکردن بە سیستمی هەوڵدان 'پەڕینەوە' لە خوێندندا.

سێیەم: ڕاپۆرتی لیژنەی پەرلەمانی کاتی بۆ چاودێریکردنی پاراستنی موڵکەکانی دەوڵەت.

چوارەم: خوێندنەوەی یەکەم بۆ پڕۆژەیاسای هەڵوەشاندنەوەی یاسای لێخۆشبوون لە هەڵگرتنی پاسپۆرتی دیپلۆماسی و خزمەتگوزاری لە نێوان هەردوو حکومەتی عێراق و قوبرس.

پێنجەم: خوێندنەوەی یەکەم بۆ پێشنیازە یاسای هەمواری دووەمی یاسای موختارەکان، ژمارە 13ـی ساڵێ 2011.

شەشەم: خوێندنەوەی دووەم بۆ پێشنیازە یاسای هەمواری چوارەمی یاسای دەرچوونی پسپۆڕانی پزیشکی و تەندروستی.