حیزبوڵڵای لوبنان: بەشێک نین لە ڕووداوەکانی سووریا

 

ئاڤا نیوز

حیزبوڵڵای لوبنان ڕەتی دەکاتەوە دەستیان لە ڕووداوەکانی ئەم دواییەی سووریا هەبێت و دەڵێن، بەشێک نین لەوەی ڕوودەدات.

وێنە گەورەکە: پێنجشەممەی ڕابردوو، شەڕ لەنێوان چەکدارانی عەلەوی و هێزە ئەمنییەکانی سووریا سەریهەڵدا لە کەناراوەکانی سووریا، کە بە "توندوتیژترین" شەڕ دادەنرێت لە دوای ڕووخانی ڕژێمی بەشار ئەسەد لە 8ـی کانوونی دووەمی 2024.

ڕاگەیێنراوی فەرمی: حیزبوڵڵای لوبنان لە ڕاگەیێنراوێکدا ڕایگەیاند: هەندێک لایەن ناوی حزبوڵڵا دەخەنە پاڵ ڕووداوەکانی سووریا و تۆمەتباری دەکەن بەوەی کە لایەنێکی ململانێکانی ئەو وڵاتەیە، حیزبوڵڵا بەڕوونی و ڕاشکاوی ئەو تۆمەتە بێ بنەمایانە ڕەتدەکاتەوە.

ئاماژەی بەوەش کرد: داوا لە میدیاکان دەکەین لە گواستنەوەی هەواڵدا وردبن و نەکێشرێنە ناو هەڵمەتی زانیاری هەڵە کە خزمەت بە ئامانجە سیاسییەکان و ئەجێندا گوماناوییە دەرەکییەکان دەکەن.

ئەوەی پێویستە بیزانیت: بەگوێرەی ڕوانگەی سووری بۆ مافەکانی مرۆڤ بەهۆی ئەو ڕووداوانەوە تا ئێستا 428 کەس  لە سووریا کوژراون.