ئێران دانوستانی چەکی ئەتۆمی لەگەڵ ڕووسیا و چین پشتڕاست دەکاتەوە

ئاڤا نیوز

دوای ئەوەی چین ڕایگەیاند، میوانداری ڕووسیا و ئێران دەکات بۆ دانوستانی سێ قۆڵی سەبارەت بە بەرنامە ئەتۆمییەکەی تاران، ئێران ئەمە پشتڕاست دەکاتەوە.

چی ڕوودەدات: چین و ڕووسیا و ئێران دەیانەوێت لە بەرامبەر ئەمریکا و وڵاتانی ڕۆژئاوا خۆیان بەهێز بکەن و ڕێگری بکەن لە هەوڵەکانی ترەمپ بۆ سنووردارکردنی ویستەکانی ئەو وڵاتانە بۆ ئەم مەبەستەش ڕۆژی 2025-03-14، گفتۆگۆی سێ قۆڵی ئەنجام دەدرێت.

لێدوانی فەرمی: ئیسماعیل بەقائی وتەبێژی وەزارەتی دەرەوەی ئێران ڕایگەیاند،''ئەم گفتۆگۆ سێ قۆڵییە لەگەڵ ڕووسیا و چین لەسەر بنەمای گەشەپێدانی پەیوەست بە پرسی ئەتۆم و هەڵگرتنی سزاکانە''.

ئەمەش بزانە: لە خولی یەکەمی سەرۆکایەتی ترەمپ، واشنتن لەو ڕێککەوتنە کشایەوە لە بەرامبەر کەمکردنەوەی سزاکانی ئێراندا، وڵاتەکە پەرەپێدانی بەرنامە ئەتۆمییەکەی سنووردارکرد، لەم خولەشی بڕیاریداوە سیاسەتی تووندترین سزا بەسەر ئێراندا بسەپێنێت.