کردنەوەی پڕۆژەی دەروازەی پارێزگای هەڵەبجە دوادەخرێت

ئاڤا نیوز

ساڵی ڕابردوو بەردی بناغەی پرۆژەی دەروازەی هەڵەبجە لەلایەن سەرۆکوەزیرانی عێراق دانرا، بەشێکی زۆر لە کارەکانی تەواو کراوە، بەڵام بۆ یادی ئەمساڵ ناتوانرێت بکرێتەوە.

چیرۆکی سەرەکی: پڕۆژەی دەروازەی شاری هەڵەبجە، بە گوژمەی دوو ملیار دینار لەلایەن محەممەد شیاع سوودانی لە 14- 3- 2024 بەردی بناغەی دانرا، بڕیار بوو لە ساڵیادی کیمابارانی هەڵەبجەی شەهید لە 16- 3- 2025 بکرێتەوە، بەڵام ناکرێتەوە بەهۆی تەواو نەبوونی هەندێک ڕووکاری پڕۆژەکە.

لێدوانی فەرمی: نوخشە ناسح، قایمقامی هەڵەبجە، بە ئاڤا میدیای ڕاگەیاند، پڕۆژەکە  دیاری سەرۆکوەزیرانی عێراقە بۆ هەڵەبجە ساڵی ڕابردوو بەردی بناغەی دانراو گوژمەی تایبەتی بۆ تەرخانکرا، بڕیار بوو لە ساڵیادی کیمیابارانی هەڵەبجەی شەهید بۆ ئەمساڵ بکرێتەوە، بەڵام بەهۆی ئەوەی هەندێک ڕووکاری دەرەوەی پڕۆژەکە ماوە ناتوانرێت بکرێتەوە.

زانیاریی زیاتر: بۆ ساڵیادی کیمیابارانی هەڵەبجەی شەهید، لیژنەی باڵای یادی كیمیاباران كردنی هەڵەبجە بانگهێشتامەیان بۆ ئامادەبوون لە یادەكە ئاڕاستەی محەمەد شیاع سوودانی كردووە و بڕیارە بەشداری یادەكە بكات، داوا لە سێ‌ سەرۆكایەتییەكەی هەرێمی کوردستان و بەرپرسانیش کراوە بەشداری یادەكە بكەن.