نەوتی سپی لە چەمچەماڵ دابەشدەکرێت

ئاڤا نیوز

 

بڕیارە ئەمڕۆ سێشەممە نەوتی سپی بەسەر ئەو خانەوادانە دابەشبکرێت کە فۆرمی خۆراکیان کەرکووکە، 50 لیتر نەوتیان بە نرخی حەوت هەزار و 500 دینار پێدەدرێت.

 

وێنە گەورەکە: ئەو هاووڵاتییانەی سنووری قەزای چەمچەماڵ ئاگادار کراونەتەوە کە فۆرمی خۆراکیان کەرکووکە و تا ئێستا نەوتی پسووڵەی ژمارە حەوتییان وەرنەگرتووە، ئەمڕۆ سێشەممە لە ناحیەی شوڕش لەبەردەم فەرمانگەی ئاو و نزک مزگەوتی محەممەد، نەوتیان بەسەر دابەشدەکرێت.

ڕاگەیێنراوی فەرمی: قایمقامیەتی چەمچەماڵ، ڕایگەیاندوو، وەرگرتنی نەوتەکە پێویستی بە پسوڵەی ژمارە حەوت و کارتی نیشتیمانی هەیە، بڕەکەی 50 لیترە و نرخەکەی حەوت هەزار و 500 دیناره.