هۆشدارییەک لەبارەی نەورۆز: سووتاندنی تایە قەدەغەیە

ئاڤا نیوز

بەرگریی شارستانیی هەرێمی کوردستان داوا لە هاووڵاتیان دەكات دووربكەونەوە لە دیاردەی سووتاندنی تایە و هۆشداریش دەدات لەوەی هەركەسێك ئەم كارە بكات، ڕووبەڕووی لێپێچینەوەی یاسایی دەكرێت.

وێنە گەورەكە: ماوەی چەند ساڵێكە دیاردەی سووتاندنی تایە لەدەرەوەی شار و شارۆچكەكان بەبۆنەی جەژنی نەورۆز كەمبووەتەوە، ئەوەش دوای قەدەغەكردنی دیاردەكە لەلایەن حكومەتی هەرێمی كوردستان و بەسزاگەیاندنی سەرپێچیكاران دێت.

لێدوانی فەرمی: سەركەوت كاڕەش، وتەبێژی بەرگریی شارستانیی هەرێمی كوردستان ڕایگەیاند،

- دیاردەی سووتاندنی تایە بەتایبەت لەدەرەوەی شارەكان بەهەموو شێوەیەك قەدەغەیە، داواش لە هاووڵاتیان دەكات خۆیان لەو دیاردەیە بەدووربگرن.

- هەرکەسێک ئەم کارە ئەنجام بدات تووشی لێپێچینەوەی یاسایی دەبێتەوە.

كاریگەری و لێكەوتەكان: سووتاندنی تایە جگە لەوەی کارێکی ناشارستانییە، دەبێتە هۆی پیسبوونی ژینگە و دروستبوونی گازی ژەهراوی كە کاریگەری ڕاستەوخۆی هەیە لەسەر تەندروستی هاونیشتمانییان.