هاکان فیدان سەردانی واشنتن دەکات

ئاڤا نیوز

وەزیری دەروەی تورکیا بۆ یەکەمجار دوای دەستبەکاربوونی دۆناڵد ترەمپ لە پۆستی سەرۆکایەتیی ئەمریکا سەردانی واشنتن دەکات.

وێنە گەورەکە: بڕیار وایە ڕۆژی سێشەممە 25-3-2025، هاکان فیدان، وەزیری دەرەوەی تورکیا بۆ یەکەمجار دوای دەستبەکاربوونی دۆناڵد ترەمپ لە پۆستی سەرۆکایەتی ئەمریکا بە سەردانێکی فەرمی بگاتە واشنتن، سەردانەکە ماوەی دوو ڕۆژ دەخایەنێت و کۆبوونەوە لەگەڵ مارکۆ ڕۆبیۆ، وەزیری دەرەوەی ئەمریکا و تاوتوێکردنی پەیوەندییەکانی هەردوو وڵات و ئامادەکاری بۆ سەردانی سەرۆکەکان، بەرنامەی سەرەکی سەردانەکە دەبێت.

بڵاوکراوەی فەرمی: بە پێی بڵاوکراوە فەرمیەکانی تورکیا لە کۆبوونەوەی نێوان هاکان فیدان و مارکۆ ڕۆبیۆ، پرسی پەیوەندییەکانی نێوان هەردوو وڵات و " پیشەسازی بەرگری و چەک "ـی تورکیا و پرسی سەقامگیری دۆخی سووریا گفتوگۆی لە بارەوە دەکرێت و تەوەری گرینگی کۆبوونەوە و سەردانە دوو ڕۆژییەکەی هاکان فیدان دەبێت.

زانیاریی زیاتر: بڕیار وایە لە سەردانەکەی وەزیری دەرەوەی تورکیا ئامادەسازییەکان بۆ سەردانی هەریەک لە دۆناڵد ترەمپ، سەرۆکی ئەمریکا و ڕەجەب تەیب ئەردۆغان، سەرۆکی تورکیا بۆ وڵاتانی یەکتر لە گەڵ وەزیری دەرەوەی ئەمریکا تاوتوێ بکرێت.