ئیسرائیل هێرش دەکاتە سەر ناوەڕاستی سووریا

ئاڤا نیوز

 

هێرشە ئاسمانییەکانی هێزەکانی ئیسرائیل بۆ سەر سووریا دەستیپێکردووەتەوە و بەرەبەیانی ئەمڕۆ لەناوەڕاستی ئەو وڵاتە دوو بنکەی سەربازی بۆردومان کردووە. 

 

چی ڕوودەدات: دوای گرتنە دەستی دەسەڵات لەلایەن هێزەکانی تەحریرولشام، کە ئەحمەد شەرع سەرکردایەتیی دەکات، دوا بەدوای ئەوە ئیسرائیل هێزەکانی خۆی لە چەند ناوچەیەکی نزیک لە سووریا جێگیر کردووە. 

 

ڕاگەیێنراوی فەرمی: سوپای ئیسرائیل ڕایگەیاند،'' سەر لەبەیانی ئەمڕۆ سێشەممە 25-3-2025 هێزەکانیان دوو بنکەی سەربازییان لە ناوەڕاستی سووریا لە پارێزگای حومس بۆردومان کردووە کە ئەم دوو بنکەیەش هێزی سەربازییان تێدا بووە.''

 

 ئەوەی پێویستە بیزانیت: لە هەفتەی ڕابردووەوە فڕۆکە جەنگییەکانی ئیسرائیل هێرشێکی ئاسمانییان بۆ سەر چەند ناوچەیەک لە سەر سنووری سووریا و لوبنان دەستپێکردووەتەوە.