ئەمریکا و ئیمارات تاوتوێی ئاگربەستی غەززە دەکەن

 

ئاڤا نیوز

لە پەیوەندییەکی تەلەفۆنی نێوان دۆناڵد ترەمپ، سەرۆکی ئەمریکا و محەممەد بن زاید، سەرۆکی ئیمارات هەوڵەکانی ئاگربەستی غەززە لەنێوان هەردوولا تاوتوێی کرا.

چیرۆکی سەرەکی: دوای میوانداریکردنی تەحنون بن زاید، ڕاوێژکاری ئاسایشی نیشتمانی ئیمارات لەلایەن دۆناڵد ترەمپ، سەرۆکی ئەمریکا لە کۆشکی سپی، توانرا پەیوەندییە ستراتیژییەکانی نێوان هەردوولا بەرەو پێشەوە ببرێت، دوای ئەم سەردانە پەیوەندی تەلەفۆنی لە نێوان هەر یەکە لە سەرۆکی ئەمریکا و ئیمارات ئەنجامدرا.

زانیاریی زیاتر: لە پەیوەندییە تەلەفۆنییەکدا باس لە ڕێگاکانی بەهێزکردنی پەیوەندییە ستراتیژییەکانی نێوان واشنتن و ئەبوزەبی کرا، لەگەڵ هەوڵەکانی ئاگربەست لە غەززە.

بۆچی گرنگە: لەم پەیوەندییەدا ئیمارات هەڵوێستی خۆی ڕوونکردەوە، جەختی لەسەر گرنگی دڵنیابوون لە گەیاندنی یارمەتییە مرۆییەکان بۆ خەڵکی غەززە کردەوە لەگەڵ پیشتوانیکردنی چارەسەری دوو دەوڵەتی وەک بناغەیەک بۆ ئاشتییەکی هەمەلایەنە.