بەهۆی ئاگر کەوتنەوە لە کۆگایەکی پارکی سامی عەبدولڕەحمان نزیکەی 60 ئۆتۆمبێل سووتان

ئاڤا نیوز

 

درەنگانی شەوی ڕابردوو ئاگر لە کۆگایەکی بارگاویکردنی ئۆتۆمبێل لە پارکی سامی عەبدولڕەحمان کەوتەوە، بە وتەی خاوەنی کۆگاکە نزیکەی 60 ئۆتۆمبێل سووتاون.

 

چیرۆکی سەرەکی: لەنێوان کاتژمێر 2:00 بۆ 3:00ـی شەوی ڕابردوو، ئاگرێکی گەورە لە کۆگایەکی بارگاویکردنی ئۆتۆمبێلی جۆری گۆڵف کەوتەوە، شوێنی کۆگاکە لەناو پارکی سامی عەبدولڕەحمان لە بەشی ڕۆژئاوای شاری هەولێر بوو. 

 

لێدوانی فەرمی: موقەدەم شاخەوان سەعید، وتەبێژی بەرگری شارستانی هەولێر بە ئاڤا میدیای ڕاگەیاند، شەش تیم بەشدارییان کردووە لە کۆنتڕۆڵکردنی ئاگرەکە. هیچ زیانێکی گیانی نەبووە و تەنیا زیانەکان ماددی بوون.

 

لەلایەکی دیکەوە: خاوەنی کۆگاکە قسەی بۆ ئاڤا میدیا کردووە دەڵێت: بەهۆی ئاگرەکەوە نزیکەی 60 ئۆتۆمبێلمان سووتاوە و بە بەهای یەک ملیۆن و نیو دۆلار زیانمان بەرکەوتووە.

 

ئەوەی پێویستە بیزانیت: ساڵانێکە ژمارەیەکی زۆری ئۆتۆمبێلی بارگاوی جۆری گۆڵف لەناو پارکی سامی عەبدولڕەحمان هەن، گەشتیاران دەتوانن ئۆتۆمبێلەکە بەکرێ بگرن و بۆ ماوەیەکی دیاریکراو لەناو پارکەکە گەڕانی پێ بکەن.