لە یەکەم ڕۆژی جەژندا، ئیسرائیل پێنج منداڵی کەرتی غەززەی کوشت

ئاڤا نیوز

لە ڕۆژی یەکەمی جەژنی ڕەمەزاندا، ئیسرائیل جارێکی دیکە کەرتی غەززەی بۆردومان کردەوە و لانیکەم هەشت کەسی کوشت کە پێنجیان منداڵ بوون و بە جەژنەوە سەرقاڵ بوون.

چیرۆکی سەرەکی: ئەم هێرشەی ئیسرائیل لە کاتێکدایە کە حەماس ڕازیبوونی خۆی بە پێشنیازی نوێی ئاگربەستی غەززە ڕاگەیاندووە کە لەلایەن میسر و قەتەرەوە پێشنیاز کراوە و هاوکات ئیسرائیلیش ئاماژەی ئەرێنی سەبارەت بە پێشنیازەکە نیشان داوە.

زانیاریی زیاتر: هێرشەکە کراوەتە سەر خانوویەک و خێوەتێکی ئاوارەکان لە خان یوونس بەهۆیەوە قوربانی لێکەوتووەتەوە.

باکگراوند: لە ئۆکتۆبەری 2023ـەوە تا ئێستا ئیسرائیل لانیکەم 50 هەزار و 277 کەسی کوشتووە کە زۆربەیان ژن و منداڵن.