عێراق ڕێنمایی نوێ بۆ هاوردەکردنی ئۆتۆمبێل و کەمکردنەوەی ژمارەکانیان دەردەکات

 

ئاڤا نیوز

وەزارەتی بازرگانی عێراق ڕایگەیاند، چاوەڕێی ڕێنمایی ئەنجوومەنی وەزیرانن بۆ جێبەجێکردنی پێشنیازی تایبەت بە  هاوردەکردنی ئۆتۆمبێل، جەختیش دەکاتەوە کە ئەگەر پێشنیازەکەیان جێبەجێ بکرێت هاوردەکردنی ئۆتۆمبێل کەمدەکرێتەوە.

ژمارەکان وادەڵێن: وەزارەتی بازرگانیی عێراق ڕایگەیاند، بە گوێرەی دوایین ئامارەکان لە ساڵی 2024، ژمارەی ئۆتۆمبێل لە عێراق گەیشتووەتە هەشت ملیۆن.

لێدوانی فەرمی: محەممەد حەنون، وتەبێژی وەزارەتی بازرگانی عێراق ڕایگەیاند:

٠ پێشنیازێکمان بۆ ڕێکخستنەوەی هاوردەکردنی ئۆتۆمبێل ئامادەکرد، ئەنجوومەنی وەزاریش بۆ کاروباری ئابووری پەسەندیکردووە و ڕەوانەی ئەنجوومەنی وەزیران کراوە.

٠ ئێستا وەزارەت چاوەڕێی ڕێنمایی حکومەتە بۆ جێبەجێکردنی پێشنیازەکە بەهاوکاری بەڕێوەبەرایەتی هاتووچۆ، وەزارەتی دارایی و دەستەی باج.

٠ ڕێکخستنی هاوردەکردنی ئۆتۆمبێل کاریگەری دەبێت لەسەر کەمکردنەوەی ژمارەی ئۆتۆمبێل لە عێراق، لەگەڵ ڕەچاوکردنی توانای ڕێگاوبانەکان بۆ ژمارەی ئۆتۆمبێل، پێشنیازەکە ڕێکخستنەوەی هاوردەکردنی ئۆتۆمبێلی کۆنیش لەخۆدەگرێت.