ڕاوێژکارێکی سوودانی بۆ ئاڤا: بڕیارەکەی ترەمپ کاریگەری لەسەر کوردستان و عێراق نابێت

  • بزنس
  • 7 کاتژمێر لەمەوپێش
شەیری بکە لە:
ڕاوێژکارێکی سوودانی بۆ ئاڤا: بڕیارەکەی ترەمپ کاریگەری لەسەر کوردستان و عێراق نابێت

دۆناڵد ترەمپ، سەرۆکی ئەمریکا لە کاتی ڕاگەیاندنی ڕێژەی باج بەسەر وڵاتان. وێنە؛ AFP

ئاڤا نیوز

ڕاوێژکاری ئابووری سەرۆکوەزیرانی عێراق ڕایگەیاند، بڕیارەکەی سەرۆکی ئەمریکا کەرتی نەوت و غاز و بەرهەمەکانیان ناگرێتەوە، ئەوەش مانای وایە هیچ کاریگەرییەکی لەسەر هەرێمی کوردستان و عێراق نابێت.

وێنە گەورەکە: 2ی نیسان دۆناڵد ترەمپ، سەرۆکی ئەمریکا زنجیرەیەک باجی نوێی  بەسەر دەیان وڵاتی جیهان سەپاند و بە تەواوەتی جەنگی ئابووری لە دژی وڵاتانی جیهان ڕاگەیاند، بەگوێرەی بڕیارەکەش هەر کاڵایەکی عێراقی هەناردەی ئەمریکا بکرێت بەڕێژەی 39% باجی دەخرێتەسەر.

لێدوانی فەرمی: مەزهەر محەممەد ساڵح، ڕاوێژکاری ئابووری سەرۆکوەزیرانی عێراق بۆ ئاڤا میدیا ڕایگەیاند: بڕیارەکەی سەرۆکی ئەمریکا کەرتی نەوت و غاز ناگرێتەوە، ئەوەش مانای وایە هیچ کاریگەرییەکی لەسەر هەرێمی کوردستان و عێراق نابێت.

- جگە لە نەوتیش، ئێمە بەرهەمێکی ئەوتۆ هەناردەی ئەمریکا ناکەین تا بڕیارەکە کاریگەریی لەسەر  وڵاتەکەمان دروستبکات.

- ساڵانە تەنیا بە بەهای پێنج ملیار دۆلار نەوت هەناردەی ئەمریکا دەکەین و بازاری ئەو وڵاتە بۆ ساغکردنەوەی نەوت بەراورد بە چین و هیندستان، بۆ عێراق بازارێکی لاوەکییە.

- بڕیارەکەی ترەمپ هیچ کاریگەریی ئەوتۆ لەسەر ئارامی بازرگانیی و ئابووری عێراق درووست ناکات

زیاتر لەسەر ئەم بابەتانە بکۆڵەرەوە

شەیری بکە لە: