زەوی بە فەرمانبەرانی كۆمیسیۆنی هەڵبژاردنەكانی عێراق دەدرێت

ئاڤا نیوز

 

زەوی بە هەزار و 628 فەرمانبەریی كۆمسیۆنی هەڵبژاردنەكانی عێراق دەدرێت كە لە نووسینگەی هەڵبژاردنی پارێزگاكانی هەولێر و سلێمانی و دهۆك دەوام دەكەن.

 

زانیاریی تایبەت: بەگوێرەی نووسراوێكی سەرۆكایەتی ئەنجوومەنی وەزیران بەژمارە 1188 كە ئەمڕۆ دووشەممە 7-4-2025 دەرچووە و، ئاڕاستەی وەزارەتی شارەوانی و گەشتوگوزار كراوە و وێنەیەكی دەست ئاڤا میدیا كەوتووە، تێیدا بەفەرمانی سەرۆكوەزیران مەسرور بارزانی، زەوی بەسەر هەزار و 628 فەرمانبەری كۆمسیۆنی باڵای سەربەخۆی هەڵبژاردنەكانی عێراقدا دابەش دەكرێت.

ئەوەی پێویستە بیزانیت: ئەو فەرمانبەرانەی لە وەرگرتنی زەوی سوودمەند دەبن، هاوشێوەی فەرمانبەرانی سەر بە میلاكی حكومەتی هەرێمی كوردستان، مەرجە پێشتر سوودمەند نەبووبن و هەمان ئەو مەرجانەیان لەسەر جێبەجێ بكرێت كە لەسەر فەرمانبەرانی حكومەتی هەرێم جێبەجێ دەكرێت.