نێچیرڤان بارزانی و لاڤرۆڤ جەخت لە پەیوەندییەکانی نێوان ڕووسیا و هەرێمی کوردستان دەکەنەوە

ئاڤا نیوز

 

سەرۆکایەتیی هەرێمی کوردستان ڕایگەیاند، بەیانی ئەمڕۆ شەممە نێچیرڤان بارزانی، سەرۆکی هەرێمی کوردستان لەگەڵ وەزیری دەرەوەی ڕووسیا کۆبوونەتەوە و چەند پرسێکی هاوبەشیان تاوتوێ کردووە.

 

وێنە گەورەکە: چەند ڕۆژێکە کۆڕبه‌ندی دیپلۆماسیی ئەنتالیا لە تورکیا دەستیپێکردووە، هەرێمی کوردستان بەشدارییەکی کارای کۆڕبەندەکەیە و نێچیرڤان بارزانی چەندین سەرۆک و سەرکردەی وڵاتانی بینییوە.

 

ڕاگەیێنراوی فەرمی: سەرۆکایەتی هەرێمی کوردستان ڕایگەیاندووە، بەیانی ئەمڕۆ شەممە نێچیرڤان بارزانی، سەرۆکی هەرێمی کوردستان لەگەڵ سێرگی لاڤرۆڤ وەزیری دەرەوەی ڕووسیا کۆبووەتەوە.

لە دیدارەکەی نێوانیان ئەم تەوەرانە باسکراون:

-    پەیوەندی نێوان عێراق و هەرێمی کوردستان لەگەڵ ڕووسیا بە تایبەت لە بواری ئابووری.
-    هەردوولا خواستیان ئەوەبووە بۆ فراوانكردنى هاريكاريى هاوبه‌ش له‌ بواره‌ جياوازەکاندا.
-    په‌يوه‌ندييه‌كانى هه‌ولێر و بە‌غدا و دۆخی سووریا.

 

باکگراوند: دوێنێ هەینی لە کۆڕبەندی ئەنتاڵیا، نێچیرڤان بارزانی لەگەڵ هەریەکە لە ڕەجەب تەیب ئەردۆگان، سەرۆکی تورکیا و ئەحمەد شەرع سەرۆکی قۆناغی ڕاگوزەری سووریا کۆبووەوە.