گۆڕستانێک لە کەرکووک دەدۆزرێتەوە و زیاتر لە هەزار ڕووفاتی ئەنفالی تێدایە
- کوردستان
- 12 نیسان

وێنەی ئەو ژمارە چالاکوانەی لە کەرکووک گۆڕستانەکەیان دۆزیوەتەوە
ئاڤا نیوز
لە نزیك سەربازگەی كۆنی تۆپزاوە گۆڕستانێک دۆزراوەتەوە کە بەپێی بەڵگەنامەکان گۆڕی زیاتر لە هەزار ئەنفالکراوی تێدایە کە لەدوای ئەشکەنجە گیانیان لەدەستداوە و لەو گۆڕستانەدا بەخاک سپێردراون.
چیرۆكی سەرەكی: ژمارەیەك چالاکوانی بواری جینۆساید و ئەنفال لە کەرکووک، گۆڕستانێکیان لە نزیک گوندی تۆپزاوە دۆزیوەتەوە کە ڕووفاتی ئەنفالکراوانی تێدایە، داواش لە فەرمانگەی پاراستنی گۆڕە بەكۆمەڵەكان دەكەن، لەڕێگەی پزیشكی دادی كەركووكەوە لێكۆڵینەوە لە بەڵگە بەدەستهاتووەكان بكەن و لە دروستی ناسنامەی ئەو تەرمانە دڵنیاببنەوە كە لە سەردەمی بەعسدا و لەكاتی شاڵاوەكانی ئەنفال، لە سەربازگەی تۆپزاوە كوژراون یاخود لەژێر فشاری ئەشكەنجە و ئازاردا گیانیان سپاردووە.
لێدوانی فەرمی: هێمن حەسیب، چالاکوانی بواری جینۆساید و ئەنفال لە كۆنفرانسێكی ڕۆژنامەوانیدا ڕایگەیاند، "دوای بەدواداچوون و كاری بەردەوامی ساڵێك و شەش مانگ، بەڵگەی پێویستمان كۆكردووەتەوە كە ژمارەیەكی زۆر لەو گیراوە كوردانەی لەكاتی ڕژێمی بەعس لە سەربازگەی تۆپزاوە هێڵدراونەتەوە، لەژێر فشاری ئەشكەنجەدان و ئازاری زۆردا، گیانیان سپاردووە و بەشێوەی گۆڕی تاك لەلایەن شارەوانیی ئەوسای كەركووك لە گۆڕستانێكی نزیك گوندی تۆپزاوە نێژراون".
زانیاریی زیاتر: هێمن حەسیب ڕاشیگەیاندووە، "داوا لە فەرمانگەی پاراستنی گۆڕە بەكۆمەڵەكان دەکەین لەڕێگەی پزیشكی دادی كەركووكەوە، لێكۆڵینەوە لە بەڵگە بەدەستهاتووەكان بكەن و ڕووفاتی قوربانییان جیابكرێنەوە، بەو پێیەی هەڵدانەوەی گۆڕە بەكۆمەڵەكان تەنیا لە دەسەڵاتی فەرمانگەی پاراستنی گۆڕە بەكۆمەڵەكاندایە".
باكگراوند: شاڵاوەکانی ئەنفال کە لەلایەن ڕژێمی پێشوی بەعس دژ بە گەلی کورد لە هەشت قۆناغدا جێبەجێکرا، دوای تێپەڕبوونی 37 ساڵ بەسەر تاوانەکەدا و دۆزینەوەی تەرمی هەزاران قوربانی، هێشتا دەیان گۆڕی بەكۆمەڵ كە ڕووفاتی هەزاران قوربانیانی تێدایە، نەدۆزراونەتەوە و ئاشكرا نەكراون.
زیاتر لەسەر ئەم بابەتانە بکۆڵەرەوە
دوایین هەواڵەکان
- هەواڵ
- 19 خولەک لەمەوپێش
تەنێک لە هەولێر دەکەوێتە خوارەوە
- بزنس
- 3 کاتژمێر لەمەوپێش
بەهۆی کەمی دینار خواستێکی زۆر لەسەر دۆلار هەیە
هەڵبژاردەکان بۆ تۆ
مۆسادی ئیسرائیل چۆن فەرماندە سەربازییەکانی ئێرانی هەڵخەڵەتاند و هێرشی کردە سەر ئەو وڵاتە؟
14 حوزەیران
ئێران بەچڕیی ئیسرائیل مووشەکباران دەکات و کوژراو و بریندار هەیە
14 حوزەیران
سۆماڵ پەیامێک ئاڕاستەی هەڵەبجە دەکات
12 حوزەیران
ئەو کەسانەی جوانکارییان کردووە ناتوانن فۆڕمی ئەلیکترۆنی پسووڵەی خۆراک پڕبکەنەوە
12 حوزەیران
دەسەڵاتدارانی سووریا داوا لە ژنان دەکەن جلی بۆرکینی لەبەر بکەن
10 حوزەیران
- هەواڵ
- 19 خولەک لەمەوپێش
تەنێک لە هەولێر دەکەوێتە خوارەوە
- کوردستان
- 2 کاتژمێر لەمەوپێش
فایلی خەڵک؛ گوندێکی پیرەمەگروون چوار ساڵە کێشەی ئاوی خواردنەوەیان هەیە
- هەواڵ
- 4 کاتژمێر لەمەوپێش
ژمارەیەك كۆچبەری كورد لە جەنگەڵێکی فەرەنسا دەكوژرێن و بریندار دەبن
- کوردستان
- 4 کاتژمێر لەمەوپێش
لە كەركووک پارچەی مووشەكێک بەر ئۆتۆمبێلی هاووڵاتیەک دەكەوێت