کۆبوونەوەی میکانیزمی ئاسایشی نێوان عێراق و تورکیا دەکرێت

ئاڤا نیوز

ئەمڕۆ پێنجەمین کۆبوونەوەی میکانیزمی ئاسایشی ئاستی باڵای نێوان تورکیا و عێراق لە ئەنتاڵیا بەڕێوەدەچێت، ئەم کۆبوونەوەیە لە چوارچێوەی کۆڕبەندی دیپلۆسامی ئەنتاڵیا دەبێت.  

وێنە گەورەکە: ئەمە پێنجەمین کۆبوونەوەی ئەمنی نێوان عێراق و تورکیایە کە پرسی "بەرەنگاربوونەوەی تیرۆر" و  پاراستنی سەقامگیری سنووری نێوان هەردوو وڵات تاوتوێ دەکرێت.

 

ڕاگەیێنراوی فەرمی: وەزارەتی دەرەوەی تورکیا ڕایگەیاند، پێنجەمین کۆبوونەوەی میکانیزمی ئاسایشی ئاستی باڵای نێوان تورکیا و عێراق لە ئەنتاڵیا دەکرێت. 

 

زانیاریی بەدەستهاتوو: لە کۆبوونەوەکەدا هەریەک لە هاکان فیدان، وەزیری دەرەوەی تورکیا و یاشار گولەر، وەزیری بەرگری، ئیبراهیم کاڵن، سەرۆکی دەزگای میت، مونیر کەرالئۆغلو، جێگری وەزیری ناوەخۆی تورکیا وەک شاندی تورکیا بەشداردەبن، فوئاد حوسێن، وەزیری دەرەوەی عێراق و شاندی یاوەرەی وەک شاندی عێراق لە ئەنتاڵیا کۆدەبنەوە.