لایەنە شیعەکان لەترسی خەزعەلی پەنا بۆ سەدر دەبەن

ئاڤا نیوز

 

لایەنەکانی چوارچێوەی هەماهەنگی ئامادەکاری دەکەن دوای دوو ساڵ لە دابڕان سەردانی موقتەدا سەدر، ڕێبەری ڕەوتی سەدر بکەن، بەڵام هێشتا سەدر ڕازی نەبووە و وەڵامی نەداونەتەوە.

 

زانیاریی بەدەستهاتوو: چوارچێوەی هەماهەنگی دەیەوێت هادی عامری بنێرێت بۆ لای موقتەدا سەدر بەو پێیەی لە هەموو سەرکردەکانی دیکە زیاتر لە موقتەدا سەدرەوە نزیکە.

 

زانیاریی زیاتر: سەرچاوەکانی نزیک لە ڕەوتی سەدر پێیانوایە موقتەدا سەدر پێشنیازەکەی چوارچێوەی هەماهەنگی ڕەتدەکاتەوە.

 

بەقووڵی: بەشێکی چوارچێوەی هەماهەنگی نیگەرانن لە هەڵکشانی هەژموونی قەیس خەزعەلی، ئەمینداری عەسائیبی ئەهلی حەق بەهۆی ئامادەنەبوونی موقتەدا سەدرەوە، بۆیە دەیانەوێت سەدر بگەڕێتەوە بۆ سیاسەت و هاوسەنگی لەناو پێکهاتەی سیاسی شیعەدا دروست ببێتەوە.