سەرۆکوەزیران مەسرور بارزانی: جیهان دەنگێکی دڵسۆز و یەکڕیزخوازی لەدەست دا

ئاڤا نیوز

 

سەرۆکوەزیران مەسرور بارزانی، پرسە و سەرخۆشی ئاڕاستەی  باوەڕدارانی کاسۆلیک لەسەرانسەری کوردستان، عێراق و جیهان دەکات، بەهۆی گیان لەدەستدانی پاپا فرانسیس، پاپای ڤاتیکانەوە.

چی ڕوودەدات: ڕۆژی دووشەممە، 21-4-2025 پاپا فرانسیس، پاپای ڤاتیکان دوای تووشبوونی بە نەخۆشی هەوکردنی سییەکان لە تەمەنی 88 ساڵیدا کۆچی دوایی کرد.
 

ڕاگەیێنراوی فەرمی: سەرۆکوەزیران مەسرور بارزانی، بەبۆنەی کۆچی دوای پاپا فرانسیس لە تۆڕی کۆمەڵایەتی ئێکس ڕایگەیاند: بە کۆچی دوای قەداسەتی پاپا فرانسیس، جیهان دەنگێکی دڵسۆز و یەکڕیزخوازی لەدەست دا.

 

- قووڵترین پرسە و سەرەخۆشیی خۆمان ئاڕاستەی ڤاتیکان و باوەڕدارانی کاسۆلیک لەسەرانسەری کوردستان، عێراق و جیهان دەکەین. 

 

باکگراوند: پاپا، رۆژی 5ی 3ی 2021، سه‌ردانی عێراقی كرد و لە چوارچێوەی سەردانەکەیدا  ڕۆژی 7ی 3ی 2021 سه‌ردانی هه‌ولێری پایتەختی هەرێمی کوردستانی كرد و لەلایەن نێچیرڤان بارزانی، سەرۆکی هەرێمی کوردستان و مەسرور بارزانی، سەرۆکوەزیرانی هەرێمی کوردستان پێشوازیی لێکرا.