سەرۆکوەزیران مەسرور بارزانی لەگەڵ سەرۆکی پەرلەمانی عەرەبی کۆدەبێتەوە

ئاڤا نیوز

ئەمڕۆ سێشەممە، سەرۆکوەزیران مەسرور بارزانی، پێشوازی لە محەممەد ئەلیاماحی، سەرۆکی پەرلەمانی عەرەبی کرد، هاوکات لە کۆبوونەوەی نێوانیان ئامادەکارییەکان بۆ بەستنی لووتکەی وڵاتانی عرەبی لە بەغدا تاوتوێ کراوە. 

ڕاگەیێنراوی فەرمی: فەرمانگەی میدیا و زانیاری ڕایگەیاند، لە دیدارەکەدا شاخەوان عەبدوڵڵا، جێگیری دووەمی سەرۆکی ئەنجوومەنی نوێنەرانی عێراق ئامادەی بوو، سەرۆکی پەرلەمانی عەرەبی خۆشحاڵی خۆی بە سەردانی هەرێمی کوردستان دەربڕی و ستایشی پێشکەوتن و ئاوەدانیی هەولێر و هەرێمی کوردستانی کرد.

لەلایەکی دیکەوە: لە میانەی کۆبوونەوەکەدا سەرۆکوەزیران جەختی لە گرنگی پەرەپێدانی هاریکاری و کاری هاوبەش لەگەڵ پەرلەمانی عەڕەبی کردەوە و داوای لێکردن کە ڕۆڵی خۆیان لە ڕوونکردنەوەی ڕاستییەکان و پشتیوانیکردنی سیستەمی فیدراڵی عێراق و هەرێمی کوردستان بگێڕن.

- لە بەشێکی دیکەی دیدارەکەدا ئامادەکارییەکانی بەستنی لوتکەی وڵاتانی عەرەبی لە بەغدا تاوتوێ کرا.