نزیکەی 4 هەزار خێزانی دهۆک نەوتییان وەرنەگرتووە

ئاڤا نیوز

 

لە مانگی دووەمی بەهارداین، بەڵام تاوەکو ئێستا نزیکەی چوار هەزار خێزان لە سنووری پارێزگای دهۆک ماون کە نەوتی سپییان بە نرخی پاڵپشتیکراو وەرنەگرتووە.

 

وێنە گەورەکە: حکومەتی هەرێمی کوردستان ساڵانە نەوتی سپی ماڵان بە نرخی پاڵپشتیکراو بەسەر خێزانەکاندا دابەش دەکات، دانیشتووانی ناوچە شاخاوییەکان بەرمیلێکی دیکە لەو نەوتە وەردەگرن کە ساڵانە بۆ پارێزگاکاندا دەینێرێت.

 

لێدوانی فەرمی: کارزان ڕەئووف، بەڕێوبەری نەوت و کانزاکانی دهۆک بە ئاڤای گوت، "نزیکەی 280 هەزار خێزان وەریانگرتووە و نزیکەی 4 هەزار خێزان ماون تا ناوەڕاستی مانگی داهاتوو سەرجەمیان تەواو دەبن."

ئەمەش بزانە: هەر خێزانێک 200 لیتر نەوتی سپی بەرامبەر بە 100 هەزار دینار وەردەگرێت.