وردبینیکردن لە لیستی مووچە بەردەوامە و هەفتەی داهاتوو پارە دەنێردرێت

ئاڤا نیوز

وردبینیکردن لە لیستی مووچە بەردەوامە و تاوەکو ئێستا هیچ کێشە و گرفتێکی بۆ دروست نەبووە، هەفتەی داهاتوو وردبینی تەواو دەبێت و ڕێکارەکانی ناردنی پارە دەستپێدەکەن.

چیرۆکی سەرەکی: ئەمڕۆ لە هەندێک میدیا و تۆڕە کۆمەڵایەتییەکان وا بڵاوکرایەوە، بەهۆی ئەوەی لیستی مووچە کۆمەڵێک ناوی تێدا بووە کە پێویست بووە لە لیستی خانەنشیناندا بن، وردبینیکردن لە لیستی مووچە ڕاگیراوە.

لێدوانی فەرمی: ئاڤا میدیا پەیوەندی بە وەزارەتی دارایی و ئابووریی هەرێمی کوردستان و شاندی تەکنیکی کوردستان لە بەغدا کرد، بە ئاڤایان ڕاگەیاند، ڕاستە وەزارەتی دارایی عێراق پرسیاری ناوی خانەنشینانی نوێی کردووە و وتوویانە ناوی خانەنشینانی نوێتان دەرنەکردووە.

ئێمەش دەستبەجێ وەڵامی ئەو پرسیارەی وەزارەتی دارایی عێراقمان دایەوە، بەڵگەمان خستنە بەردەست و وتمان ناوەکانمان دەرهێنان و ئەمەش ناوەکان".

زانیاریی زیاتر:  هەفتەی داهاتوو وردبینیکردن لە لیستی مووچە تەواو دەبێت و ڕێکارەکانی ناردنی پارە دەستپێدەکەن. ئاڤا زانیویەتی تاوەکو کۆتایی هەفتەی داهاتوو پارە دەنێردرێ و ڕاستەوخۆش دەست بە دابەشکردنی دەکرێ.