ئیتاڵیا بەردوام دەبێت لە مەشق و ڕاهێنانی هێزەکانی پێشمەرگە

ئاڤا نیوز

 

سەرۆک ئەرکانی وەزارەتی پێشمەرگە و فه‌رمانده‌ی هێزه‌ هاوبه‌شه‌كانی سوپای ئیتاڵیا، جەختیان لەسەر پەرەپێدان بە بواری مەشق و راهێنان و پاڵپشتییە ڕاوێژکارییەکان کردەوە.

 

وێنە گەورەکە: لەسەرەتای دروستبوونی هاوپەیمانی نێودەوڵەتی دژی داعش، وەکو یەکێک لە وڵاتە کاریگەرەکان هاوکاری هێزەکانی پێشمەرگەی کردووە و ئەمڕۆش فەرماندەی هێزە هاوبەشەکانی سوپای ئیتاڵیا، بەردەوامی هاوکاری و هەماهەنگی بۆ وەزارەتی پێشمەرگە دووپاتکردەوە. 

 

ڕاگەیێنراوی فەرمی: وەزارەتی پێشمەرگە ڕاگەیێنراوێکی لەبارەی کۆبوونەوەکە بڵاوکردەوە، لە کۆبوونەوەیەکی نێوان فەریق روکن عیسا عوزێر، سەرۆکی ئەرکانی وەزارەتی پێشمەرگە و فەریق جیوفانی ماریا لانۆچی، فه‌رمانده‌ی هێزه‌ هاوبه‌شه‌كانی سوپای ئیتاڵیا، گفتوگۆکرا لەبارەی پەیوەندی و هەماهەنگی نێوان وەزارەت و سوپای ئیتاڵیا. 

 

- هەر لە کۆبوونەوەکەدا جەخت لەسەر پەرەپێدانی بواری مەشق و ڕاهێنان و پاڵپشتییە ڕاوێژکارییەکان سوپای ئیتاڵیا بۆ هێزەکانی پێشمەرگە کراوەتەوە.

- باشتركردنی هەماهەنگییە هاوبه‌شه‌كان به‌تایبه‌ت له‌سه‌ر ئاستی ڕاوێژكاری و مه‌شق و ڕاهێنان و چاکسازی سه‌ربازیی.

لەلایەکی دیکەوە: فەرماندەی هێزە هاوبەشەکانی سوپای ئیتاڵیا بەڵێنی داوە کە بەردەوام بن لەسەر پاڵپشتی و پشتیوانییەکان بۆ پێشمەرگە لەبوارەکانی ڕاوێژکاری و مەشق و ڕاهێنان.