چوارچێوەی هەماهەنگی پرسی لوتکەی عەرەبی و هەڵبژاردن تاوتوێ دەکات

ئاڤا نیوز

لە کۆبوونەوەی خولی ئاسایی خۆیدا، چوارچێوەی هەماهەنگی چەند پرسێکی پەیوەست بەکۆبوونەوەی لوتکەی عەرەبی و هەڵبژاردنی داهاتووی پەرلەمانی عێراق تاوتوێ دەکات.

وێنە گەورەکە: سەرکردەکانی هاوپەیمانی چوارچێوەی هەماهەنگی هەفتانە کۆبوونەوەی ئاسایی خۆیان بە ئامادەبوونی سەرۆکوەزیرانی عێراق ئەنجامدەدەن و چەندین پرسی ناوخۆیی و نێودەوڵەتیی پەیوەست بە ڕووداو و پێشهاتەکانی ناوچەکە تاوتوێ دەکەن.

چیرۆکی سەرەکی: بڕیارە ئێوارەی ئەمڕۆ دووشەممە 2025-04-28، سەرکردەکانی چوارچێوەی هەماهەنگی، بە ئامادەبوونی محەممەد شیاع سوودانی، سەرۆکوەزیرانی عێراق کۆببنەوە و تاوتوێی دوایین پێشهاتە سیاسی و ئەمنی و خزمەتگوزارییەکان بکەن.

زانیاریی زیاتر: پرسی سەرەکی کۆبوونەوەی ئەمڕۆی سەرکردەکانی چوارچێوەی هەماهەنگی ئەم تەوەرانە دەبێت:

٠ لوتکەی وڵاتانی عەرەبی و گرنگی سەرکەوتنی عێراق لە میوانداریکردنیدا گەرەنتی بەشداریکردنی هەموو وڵاتانی عەرەبی لەسەر ئاستی سەرۆککۆمار و شازادە و میرنشینەکان. 

٠ لەکۆبوونەوەکەدا پرسی هەڵبژاردنی داهاتووی پەرلەمانی عێراق و بەشداریکردنی لایەنە شیعەکانی نێو چوارچێوەی هەماهەنگی و گەڕانەوە بۆ یەک لیستی تاوتوێ دەکرێت.

٠ دابینکردنی کارەبای نیشتمانییە لە سەرجەم شارەکانی عێراق لە وەرزی هاویندا.

ئەمەش بزانە: بڕیارە 2025-05-17، لوتکەی عەرەبی بە بەشداری سەرکردە و پادشای وڵاتانی عەرەبی لەبەغدا بەڕێوەبچێت و سەرۆکی سووریاش یەکێکە لە بانگهێشتکراوەکان .