ساسان عەونی: سێ مانگی دیکە 100 مەتریی سلێمانی تەواو دەبێت

ئاڤا نیوز 

 

ساسان عەونی، وەزیری شارەوانی و گەشتوگوزاری کوردستان ڕایگەیاند, بەڕێژەی %70  کارکردن لە پرۆژەی شەقامی 100 مەتریی سلێمانی تەواو بووە نزیکەی سێ مانگی دیکە بەڕووی شۆفێران دەکرێتەوە.

 

وێنە گەورەکە: 100 مەتری سلێمانی گەورەترین پڕۆژەی ڕێگاوبان لە پارێزگای سلێمانی  لە 2020.7.11 ەوە بەردی بناغەی دانراوە، بەڵام کێشە و ململانێی دوو بەرپرسی یەکێتی بوونە لەمپەر لەبەردەم تەوابوونی پڕۆژەکە، بەهۆیەوە نزیکەی پێنج ساڵە تەواو نەکراوە.

لێدوانی فەرمی: ساسان عەونی بە ئاڤای ڕاگەیاند، بەڕێژەی %70  کارکردن لە پرۆژەی شەقامی 100 مەتریی سلێمانی تەواو بووە نزیکەی سێ مانگی دیکە دەکرێتەوە،  شەقامەکە بە کوالێتی و ئاستێکی زۆر بەرز کاری تێدا دەکرێت، هەر ئاسانکارییەک پێویست بێت بۆ تەواوکردنی پڕۆژەکە وەکو حکومەت بۆیان دەکەین.