لە دهۆک 15 کاندیدی سەربەخۆ خۆیان بۆ هەڵبژاردن تۆمارکردووە

ئاڤا نیوز

وادەی تۆمارکردنی ناوی کاندیدان بۆ هەڵبژاردنی پەرلەمانی کوردستان کۆتایی هات، لە دهۆک 15 کاندیدی سەربەخۆ خۆیان تۆمارکردووە.

لێدوانی فەرمی: خالد عەباس، بەرپرسی ئۆفیسی دهۆکی کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی گوت: ئەمڕۆ دەرگای خۆ تۆمارکردنی کاندیدە سەربەخۆ و هاوپەیمانییەکان داخرا، هاوکات لە دوێنێ وە دەرگای خۆ تۆمارکردن بۆ لیست و لایەنەکان کراوەتەوە و تاوەکو 22ـی ئەم مانگە بەردەوام دەبێت.

زانیاريی زیاتر: لە پارێزگای دهۆک 15 کاندید بە سەربەخۆ ناویان تۆمارکردووە، هەر لەو پارێزگایە پێنج لایەنی سیاسی خۆیان تۆماركردووە بۆ بەشداریکردن لە هەڵبژاردنەکان.

باکگراوند: بڕیارە لە 10-6-2024، هەڵبژاردنی پەرلەمانی کوردستان بەڕێوەبچێت.