هاووڵاتیانی عێراق دەتوانن لەڕێگەی بەستەرێکەوە داوای سیستمی وزەی خۆر بکەن

ئاڤا نیوز 

 

بۆ دانانی سیستمی وزەی خۆر لە یەکەکانی نیشتەجێبوون، وەزارەتی کارەبای عێراق لینکێک دەخاتەگەڕ، بەمەبەستی پێدانی قەرز بەهاووڵاتییان بەگوێرەی دەستپێشخەریی بانکی ناوەندی عێراق.

 

وێنە گەورەکە: دوای ئەوەی بانکی ناوەندیی عێراق ڕێکارەکانی پێدانی قەرزی بانکی بۆ بەرهەمهێنانی ئامێری کارەبا بە وزەی خۆر دەرکرد، ئێستا دەستکراوە بە پێدانی پێشینەیەک بە هەر بانکێک بەبڕی 300 ملیۆن دینار و بانکەکانیش لەو بڕە پارەیە دەتوانن بڕی 30 ملیۆن دینار قەرز بۆ هەر یەکەیەکی نیشتەجێبوون بدەن.

 

ڕاگەیێنراوی فەرمی: ئەمڕۆ پێنجشەممە 8-5-2025، زیاد فازڵ، وەزیری کارەبا ڕایگەیاند:  بە ئامانجی بەکارهێنانی وزەی نوێبووەوە لە ڕێگەی دانانی سیستمی وزەی خۆر بەپێی دەستپێشخەرییەکەی بانکی ناوەندی، وەزارەتی کارەبا لینکێک دەخاتەگەڕ وەک ئاسانکارییەک بۆ ئەو هاووڵاتییانەی دەیانەوێت سوودمەندبن لەو پڕۆژەیە. 

 

ئەمەش بزانە: ماوەی قەرزەکە لە پێنج ساڵەوە بۆ حەوت ساڵ درێژکراوەتەوە، هەموو بانکە مۆڵەتپێدراوەکان دەتوانن بەشدار بن لە پرۆژەکە.

 

بەستەری خۆ تۆمارکردن