عێراق ڕێگە بە هاوردەکردنی مریشكی هەرێمی كوردستان نادات

ئاڤا نیوز

 

جارێکی دیکە عێراق دەستی کردەوە بە ڕێگریکردن لە هاوردەکردنی بەرهەمی کێڵگە پەلەوەرییەکانی هەرێمی کوردستان و ڕێگە نادات مریشک دەربازی پارێزگاکانی عێراق بێت ئەمەش نرخی مریشکی زیندووی هێندەی دیکە دابەزاند.

زانیاریی پەیامنێر: چۆمان مەحموود، پەیامنێری ئاڤا میدیا لە سلێمانی ڕایگەیاند: بەراورد بە پێشوو، نرخی مریشک دابەزیوە و ئێستا لە کێڵگە پەلەوەرییەکان نرخی کیلۆیەک مریشک بە هەزار و 900 دینارە ئەمەش لە کاتێکدایە کە نرخەکەی لەسەر خاوەنی کێڵگە پەلەوەرییەکە دوو هەزار و 500 دینار دەوەستێت.

 

لێدوانی فەرمی: نازم عەبدوڵڵا، سەرۆکی کۆمەڵەی کێڵگە پەلەوەرییەکان لە سلێمانی بە ئاڤا میدیای ڕاگەیاند: عێراق ڕێگەی دەربازبوون بە ئەو بارهەڵگرانەی هەرێمی کوردستان نادات کە مریشکیان هەڵگرتووە و بۆ هەر بارهەڵگرێک داوای زیاتر لە سێ ملیۆن دینار دەکرێت ئەمەش بە زیانی خاوەن کێڵگە پەلەوەرییەکان دەشکێتەوە.

 

زانیاریی زیاتر: بەپێی گوتەی کۆمەڵەی کێڵگە پەلەوەرییەکان، ڕێگریی عێراق لە دەربازبوونی مریشکی هەرێمی کوردستان زیانی زیاتر لە 10 ملیار دیناری هەبووە.