لە مەرزی کێلێ دوو تۆمەتبار بە دۆلار و یۆرۆی ساختەوە دەستگیر دەکرێن

ئاڤا نیوز

لە مەرزی کێلێی دەڤەری ڕاپەڕین، ئاسایش دوو تۆمەتباریان بە هەزاران یۆرۆ و دۆلاری ساختەوە دەستگیر کرد.

لێدوانی فەرمی: عەباس عەزیز، بەڕێوەبەرى گومرگى ڕاپەڕین بە ئاڤا میدیای وت، ئەمڕۆ شەممە لە مەرزی کێلێ یاریدەدەری ئاسایشی مەرزەکە، دوو تۆمەتباریان دەستگیر کرد، 12 هەزار و 500 یۆرۆ و دوو هەزار دۆلاریان لابووە هەمووی ساختە بووە.

زانیاریی زیاتر: بەوتەی بەڕێوەبەری گومرگی ڕاپەڕین، ئەمساڵ ئەمە دووەم حاڵەتی دەست بەسەرداگرتنی پارەی ساختەیە لەو سنوورە، لەماوەی ڕابردوودا کەسێک دەستگیر کرا، بڕێکی زۆر 50 هەزار دیناری عێراقی ساختەی لابوو.

باکگراوند: مەرزی کێلێ، دەکەوێتە باکووری ڕۆژهەڵاتی قەزای پشدەر لە دەڤەری ڕاپەڕین، بە ئاراستەی ڕۆژهەڵاتی کوردستان دەکەوێتە سنووری شاری سەردەشت.