گەشتی وشكانیی حاجیانی هەرێمی كوردستان بەرەو سعودییە دەستی پێكرد

ئاڤا نیوز

 

گەشتی حاجیانی ئەمساڵی هەرێمی كوردستان بە ڕێگەی وشكانی دەستی پێكرد و یەكەم كاروانی حاجیان بەرەو سعودییە بەڕێكەوت.

 

زانیاریی بەدەستهاتوو: سەرلەبەیانیی ئەمڕۆ هەینی 16-5-2025، لە ناوچەی بانی مەقان لە سنووری پارێزگای سلێمانی، یەكەم كاروانی ئەو حاجیانەی هەرێمی كوردستان كە ئەمساڵ بە ڕێگەی وشكانییەوە گەشتی وڵاتی سعودییە دەكەن بەڕێكەوتن.

 

لێدوانی فەرمی: کاروان ستوونی، وتەبێژی بەڕێوەبەرایەتیی حەج و عومرەی کوردستان بە ئاڤا میدیای ڕاگەیاند: گەشتە ئاسمانییەکان لە هەرێمی کوردستان لە 19ـی ئایارەوە لە ڕێگەی هەردوو فڕۆکەخانەی هەولێر  و سلێمانی دەستپێدەکەن و تاوەکو 28ـی ئایار بەردەوام دەبێت. یەکەم گەشتی وشكانیش ئەمڕۆ دەستی پێكرد.

 

زانیاریی زیاتر: ژمارەی حاجیانی هەرێمی کوردستان بە گشتی پێنج هەزار و 136 کەسن، ئەوانەی لە ڕێگەی وشکانییەوە گەشت دەکەن، ژمارەیان هەزار و 440 کەسە.