پڕۆژەی ئاودێریی لەڕێگەی تەكنەلۆژیای هەستكردن لەدوورەوە جێبەجێ دەكرێت

ئاڤا نیوز

وەزارەتی کشتوکاڵ و سه‌رچاوه‌كانى ئاوی هەرێمی كوردستان بەنیازە پرۆژەی ئاودێریی زیرەك جێبەجێ بكات بە سوودوەرگرتن لە تەكنەلۆژیای هەستكردن لەدوورەوە؛ بە بەكارهێنانی كەمترین ئاو بۆ زۆرترین بەرهەم.

چیرۆکی سەرەکی: ئەمرۆ چوارشەممە، بە سەرپەرشتیی وەزیری كشتوكاڵ و سەرچاوەكانی ئاو و ئامادەبوونی ژمارەیەك بەرپرسی باڵای وەزارەتەكە و لیژنەی ئاڕاستەكردن و هونەریی، كۆبوونەوەیەكی فراوان کرا.

ڕاگەیێنراوی فەرمی: بەپێی ڕاگەیێنراویی فەرمی وەزارەتی كشتوكاڵ و سەرچاوەكانی ئاوی هەرێمی كوردستان، پرۆژەکە لە ڕێگەی ڕێکخراوی (فاو)، پاڵپشيتی دارایی و تەکنیکی دەکرێت و بە هەماهەنگيی وەزارەتى كشتوكاڵ و سه‌رچاوه‌كانى ئاو جێبەجێ دەکرێت.

بۆچی گرنگە: پڕۆژەکە وەک پڕۆژەیەکی گرنگی کشتوکاڵی دادەنرێت، بە سوودوەرگرتن لە تەکنەلۆژیای هەستکردن لەدوورەوە؛ بە بەکارهێنانی کەمترین ئاو بۆ زۆرترین بەرهەم.

چی ڕوودەدات: لە ئێستادا ئامادەکاری و ڕاهێنانی کادیرانی بەکارهێنانی پڕۆژەکە لە قۆناغی کۆتایيدایە؛ سەرەتا لە دەشتی شەمامک لە پارێزگای هەولێر جێبەجێ دەكرێت و دواتر بۆ ناوچە دەشتاییەکانی تری هەرێمی کوردستان فراوان دەكرێت.