بەرپرسێکی ئەمریکی نهێنییەکی ئیدارەی بایدن ئاشکرا دەکات

ئاڤا نیوز

 

وتەبێژی پێشووی وەزارەتی دەرەوەی ئەمریکا لەبارەی ئیسرائیل و کردەوەکانی لە کەرتی غەززە ئاشکرای دەکات، ئیسرائیل تاوانی جەنگ لە غەززە ئەنجام دەدات و ئیدارەی پێشووی ئەمریکا ئاگاداربووە و هاوکاری سەربازی پێشکەش کردووە.

 

وێنە گەورەکە: شەڕی غەززە لە سەردەمی ئیدارەی بایدن، سەرۆکی پێشووی ئەمریکا دەستیپێکرد، تەنانەت چەندین جار هاوکاریی سەربازیی پێشکەش بە ئیسرائیل کردووە، بەڵام هەرگیز دانی بەوە نەناوە، کە ئیسرائیل لە کەرتی غەززە تاوانی جەنگی ئەنجام دابێت، ئەمەش سەرەڕای ئەوەی زۆرینەی وڵاتان و ڕێکخراوە نێودەوڵەتییەکان ئیسرائیلیان بە ئەنجامدەری تاوانی جەنگ تۆمەتبار کردووە.

 

لێدوانی فەرمی: ماتیۆ میلەر، وتەبێژی پێشووی وەزارەتی دەرەوەی ئەمریکا لەبارەی پرسیارێکی تایبەت بە پێشهاتەکانی کەرتی غەززە ڕایگەیاند، ئیسرائیل "تاوانی جەنگی" لە غەززە ئەنجامداوە.

 

لەلایەکی دیکەوە: ئیدارەی بایدن، هەرگیز ئیسرائیلی بە ئەنجامدەری تاوانی جەنگ تۆمەتبار نەکردووە، تەنانەت میلەر وەک وتەبێژی وەزارەتی دەرەوەی ئەمریکا، زۆرجار تۆمەتەکانی تاوانی جەنگی ڕەتدەکردەوە و لە چەندین کۆبوونەوەی ڕۆژنامەوانییدا بەرگری لە کارەکانی ئیسرائیل دەکرد.