تورکیا کوژرانی بەرپرسێکی پەکەکە لە سلێمانی ڕادەگەیێنێت

ئاڤا نیوز

دەزگای هەواڵگریی تورکیا کوژرانی ژنە بەرپرسێکی پەکەکە لە ئۆپەراسیۆنێکدا لە سلێمانی ڕادەگەیێنێت، پەکەکەش هەواڵەکە پشتڕاست دەکاتەوە.

وێنە گەورەکە: لە درێژەی ئۆپەراسیۆنەکانیدا دەزگای هەواڵگریی تورکیا (میت) ژنە بەرپرسێکی پارتی کرێکارانی کوردستان (پەکەکە)ی بە ناوی ڕۆژدا بیلەن ناسراو بە (بیشەنگ بروسک) لە سلێمانی بەئامانج گرتووە.

ڕاگەیێنراوی فەرمی: دەزگای میت بڵاوی کردووەتەوە؛ ڕۆژدا بیلەن لە ئۆپەراسیۆنەکەدا کوژراوە و و ئۆپەراسیۆنەکەش لە سنووری سلێمانی کراوە.

زانیاریی زیاتر: ڕۆژدا بیلەن بەڕێوەبەری گشتیی ژنان بووە لە کۆمەڵگەی گەنجانی پەکەکە لە سلێمانی.

بۆچوونی بەرامبەر: میدیای نزیک لە پەکەکە ڕایگەیاندووە، بیشەنگ بروسک لە 28 -7- 2023 لە ئەنجامی هێرشە ئاسمانییەکانی سوپای تورکیا بۆ سەر ناوچەکانی هەرێمی پاراستنی میدیا گیانی لە دەست داوە.

ئەمەش بزانە: بیلەن ساڵی 2011 پەیوەندی بە پەکەکەوە کردووە و لە لیستی داواکراوانی وەزارەتی ناوخۆی تورکیا بووە.