ئیسرائیل؛ بۆ ئاساییکردنەوەی پەیوەندییەکانی لەگەڵ سووریا ئەمریکا دەکاتە نێوەندگیر

ئاڤا نیوز

ئیسرائیل دەیەوێت پەیوەندییەکانی لەگەڵ سووریا ئاسایی بکاتەوە، بۆ ئەم مەبەستە داوای نێوەندگیری لە ئەمریکا کردووە. ئامانجی ئیسرائیل هەوڵدان و گەیشتنە بە کۆمەڵێک ڕێککەوتن لەگەڵ سووریا.

وێنە گەورەکە: دوای ڕووخانی ڕژێمەکەی ئەسەد، ئیسرائیل بە ڕژدی کار دەکات بۆ ئەوەی هەژموونی ئێران لە سووریا نەمێنێت و دڵنیابێت لەوەی دراوسێکانی نابنە مەترسی بۆ سەر ئاسایشی وڵاتەکەی.

زانیاریی بەدەستهاتوو: دوو بەرپرسی ئیسرائیلی بە ئەکسیۆسی ئەمریکییان ڕاگەیاندووە، بنیامین نەتانیاهۆ، سەرۆکوەزیرانی ئیسرائیل بە تۆم باراک، نوێنەری ئەمریکا لە سووریا ڕاگەیاندووە، ئارەزوو دەکەن دانووستان لەگەڵ حکومەتی نوێی سووریا بکەن و ئەمریکاش ببێتە نێوەندگیرییان.

- ئامانجی نەتانیاهۆ هەوڵدان و گەیشتنە بە کۆمەڵێک ڕێککەوتن، سەرەتا بە ڕێککەوتنێکی ئەمنی نوێکراوە دەستپێدەکات کە لەسەر بنەمای ڕێککەوتنی ساڵی 1974، لەگەڵ دەستکاریکردن و   بە ڕێککەوتنی ئاشتی نێوانیان کۆتایی دێت.