بەشداریکردنی ئەمریکا لە جەنگی ئیسرائیل و ئێران لە ئانوساتە؛ جیهان چاوەڕێی بڕیاری ترەمپە
- هەواڵ
- 17 حوزەیران
ئاڵای (ئەمریکا - ئێران)
ئاڤا نیوز
بەشداریکردنی ئەمریکا لە جەنگی ئیسرائیل و ئێران لە ئانوساتدایە، ئەمریکا دەستی بە جووڵەی فڕۆکە و کەشتی جەنگی کردووە بەرەو ڕۆژهەڵاتی ناوەڕاست، ئێستاش دۆناڵد ترەمپ لە کۆبوونەوەیەک دایە بۆ بڕیاردان لەبارەی جەنگەکە.
وێنە گەورەکە: جەنگی ئیسرائیل و ئێران کە پێنج ڕۆژە هەڵگیرساوە لە فراوانبوونە، بەشداریکردنی ئەمریکا لە جەنگە لە ئانوساتدایە، ئەمریکا دەستی بە جووڵە کردووە و هەموو کەشتییە جەنگییەکانی لە دەوروبەری ڕۆژهەڵاتی ناوەڕاست کۆکردووەتەوە بۆ ئەوەی لە هەر ساتێکدا بێت دەستوەردان بکات، دەستیشی کردووە بە گواستنەوەی فڕۆکە جەنگییەکان بۆ ڕۆژهەڵاتی ناوەڕاست.
چیرۆکی سەرەکی: بەرەبەیانی ئەمڕۆ دۆناڵد ترەمپ کە بۆ بەشداریکردن لە کۆبوونەوەی گرووپی جی حەوت ( ئەمریکا، کەنەدا، بەریتانیا، فەرەنسا، ئیتاڵیا، ئەڵمانیا و ژاپۆن) لە کەنەدا بوو، بەخێرایی گەڕایەوە واشنتن، لە کاتژمێر 08:00ی ئەمشەویشەوە لەگەڵ ئەنجوومەنی ئاسایشی نەتەوەیی ئەمریکا لە کۆبوونەوەدایە لەبارەی جەنگی ئیسرائیل و ئێران.
لێدوانی فەرمی: دۆناڵد ترەمپ ئەمڕۆ ڕایگەیاند: "بەهیچ شێوەیەک نەمگوتووە ئاگربەستم دەوێت، کەس بۆ ڕاگرتنی جەنگەکە تەلەفۆنم بۆ نەکات، ئێمە دەمانەوێت ئێران بەتەواوی خۆی بەدەستەوە بدات". ئێوارەی ئەمڕۆش پەیامێکی نوێی بۆ ئێران نارد و داوای کرد ئێران بێ مەرج خۆی بەدەستەوە بدات.
ئەوەی لەبارەیەوە دەگوترێت: سێ بەرپرسی ئەمریکی بە ئاژانسی ئاکسیۆسی ئەمریکییان ڕاگەیاندووە، ترەمپ بەجددی بیر لە بەشداریکردنی ئەمریکا لە شەڕەکە دەکات، بەڵام هێرشی ئەمریکا سنووردار دەبێت و تەنیا بۆ سەر دامەزراوە ئەتۆمییەکان دەبێت بەتایبەت دامەزراوەی ژێرزەمینیی پیتاندنی یۆرانیۆم لە فۆردۆ کە 800 مەتر لەژێر زەوییە و ئیسرائیل هیچ بۆمبێکی نییە بتوانێت زیان بەم دامەزراوەیە بێنێت.
ئەوەی پێشبینی دەکرێت: دوایین جووڵەکانی ئەمریکا لە ڕۆژهەڵاتی ناوەڕاست و قسەکانی ترەمپ ئاماژە بەوە دەکەن لەگەڵ ڕاوێژکارەکانی لە گفتوگۆدایە چۆن بەشداری لە جەنگەکە بکەن لە بەرژەوەندیی ئیسرائیل. ئیسرائیلیش بەفەرمی داوای کردووە ئەمریکا بەشداری لە جەنگەکەدا بکات.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- عێراق
- 5 خولەک لەمەوپێش
عێراق 14 فڕۆکەی مەدەنی دەکڕێت
- هەواڵ
- 38 خولەک لەمەوپێش
ماوەی نوێکردنەوەی پسووڵەی خۆراک درێژکرایەوە
- ڕاپۆرت
- 42 خولەک لەمەوپێش
دۆخی شنگال دوای 11 ساڵ لە جینۆساید
- جیهان
- 51 خولەک لەمەوپێش
پزیشکیان سەردانی پاکستان دەکات
- هەواڵ
- 57 خولەک لەمەوپێش
شاندێکی ئاژانسی نێودەوڵەتیی وزەی ئەتۆم دەچێتە ئێران
هەڵبژاردەکان بۆ تۆ
جۆرێکی نوێی مێروو لە ئوسترالیا دەدۆزرێتەوە
1 کاتژمێر لەمەوپێش
گڕکانێکی ڕووسیا دوای 600 ساڵ جارێکی دیکە چالاک دەبێتەوە
1 کاتژمێر لەمەوپێش
لە هەولێر شەوانە بە زنجیر کۆڵانێک دادەخەن
15 کاتژمێر لەمەوپێش
هاککەرانی چین لە ڕێگەی سیستمی مایکرۆسۆفتەوە هێرش دەکەنە سەر دامەزراوەکانی ئەمریکا
16 کاتژمێر لەمەوپێش
پزیشکێک هۆشداری دەدات: نەمانی 'هیلال'ـی نینۆکەکان لەوانەیە نیشانەی کێشەی دڵ بێت
18 کاتژمێر لەمەوپێش
- عێراق
- 5 خولەک لەمەوپێش
عێراق 14 فڕۆکەی مەدەنی دەکڕێت
- هەواڵ
- 38 خولەک لەمەوپێش
ماوەی نوێکردنەوەی پسووڵەی خۆراک درێژکرایەوە
- جیهان
- 51 خولەک لەمەوپێش
پزیشکیان سەردانی پاکستان دەکات
- هەواڵ
- 57 خولەک لەمەوپێش
شاندێکی ئاژانسی نێودەوڵەتیی وزەی ئەتۆم دەچێتە ئێران
- هەواڵ
- 1 کاتژمێر لەمەوپێش
گڕکانێکی ڕووسیا دوای 600 ساڵ جارێکی دیکە چالاک دەبێتەوە
- هەواڵ
- 1 کاتژمێر لەمەوپێش
عەباس عێراقچی: هیچ زانیارییەکم لەبارەی شوێنی یەدەگی یۆرانیۆم نییە