نێچیرڤان بارزانی: ناكۆكییه‌كان چاره‌سه‌ر بكه‌ن تا بتوانین پێكه‌وه‌ ڕووبه‌ڕووی هه‌ڕه‌شه‌ ببینه‌وه‌

ئاڤا نیوز

 

سەرۆكی هەرێمی كوردستان داوا دەكات "ناكۆكییەكان چارەسەر بكرێن تا پێكەوە ڕووبەڕووی هەڕەشە و ئاڵنگارییەكان ببینەوە".

ڕاگەیێنراوی فەرمی: سەرۆكی هەرێمی كوردستان پەیامێكی بەبۆنەی نەورۆزەوە بڵاوكردەوە و پیرۆزبایی  لەسەرجەم چین و توێژەكان كرد و ڕایگەیاند: بە دۆخێكی هەستیاردا تێدەپەڕین، داوا لە لایەنە سیاسییەكانی كوردستان دەكەم،  ناكۆكییەكان چارەسەر بكەن تا بتوانین پێكەوە ڕووبەڕووی هەڕەشە و ئاڵنگارییەكان ببینەوە و فیدراڵی و قەوارەی سیاسی و ماف و دەسكەوتە دەستوورییەكانمان بپارێزین. هەمووان لە هەمان كەشتیداین و ئەگەر هاوهەڵوێست و یەكڕیز باین، دۆخەكە بە ئەمڕۆ نەدەگەیشت.

بابەتی ستراتیژی: گەلی كوردستان هەرگیز واز لە ئازادی و مافەكانی ناهێنێت. مێژوو سەلماندوویەتی تا نكۆڵی لە كورد و كوردستان بكرێت و مافەكانی پێشێل بكرێت، عێراق خۆشی و سەقامگیری بەخۆیەوە نابینێت، دەستیدەستیكردن بە شایستەكان و هەوڵی بچووككردنەوەی هەرێمی كوردستان و پێشێلكردنی مافە دەستوورییەكانی، جگە لە زیان هیچ سوودێكی بۆ عێراق نابێت. لە پەیامەكەی نێچیرڤان بارزانیدا ئەوە هاتووە.