ویتکۆف: ترەمپ دەیەوێت ڕێککەوتنێکی ئاشتی هەمیشەیی لەگەڵ ئێران بکات

ئاڤا نیوز

نێردەی تایبەتی دۆناڵد ترەمپ،  سەرۆکی ئەمریکا ئاشکرای کرد ترەمپ چاوی لە ڕێککەوتنێکی گشتگیریی ئاشتییە لەگەڵ ئێران.

وێنە گەورەکە:  ستیف ویتکۆف، نێردەی تایبەتی دۆناڵد ترەمپ، سەرۆکی ئەمریکا بۆ ڕۆژهەڵاتی ناوەڕاست لە چاوپێکەوتنێکدا لەگەڵ کەناڵی فۆکس نیوز ڕایگەیاند، ئێمە لە ئێستاوە دانوستان لەگەڵ یەکتر دەکەین لە ڕێگەی نێوەندگیرەکان.
 
لێدوانی فەرمی: ستیف ویتکۆف، نێردەی تایبەتی دۆناڵد ترەمپ ڕایگەیاند: ''ترەمپ زۆر بەڕوونی ئەوەی خستەڕوو کە دەیەوێت ڕێککەوتنێکی هەمەلایەنەی ئاشتی لەگەڵ ئێران بکات، بەڵام لەو ڕێککەوتنەدا ڕێگە بە هیچ جۆرە پیاتاندی یۆرانیۆم نادات''.

سەبارەت بە هێرشەکانی ئەمریکا بۆ سەر دامەزراوە ئەتۆمییەکانی ئێران ویتکۆف گوتی، توانا ئەتۆمییەکانی ئێران لە ناوچووە و کارێکی مەحاڵ دەبێت ئەگەر هەوڵ بدات ئەو بەرنامە زیندوو بکاتەوە، بۆیە ئەو هەواڵانەی کە دەڵێن بە ئەمانجەکەمان نەگیشتوون جێگای پێکەنینن''.