ترەمپ وادەی دانووستانی ئەمریکا و ئێران ئاشکرا دەکات

ئاڤا نیوز

سەرۆکی ئەمریکا ڕایگەیاند، هەفتەی داهاتوو  لەگەڵ بەرپرسانی ئێران دانوستان دەکەین بۆ ئەوەی بگەینە ڕێککەوتنێک.

وێنە گەورەکە: لە دوای هێرشەکەی ئەمریکا بۆ سەر ئێران و کۆتایی هێنان بە شەری ئێران و ئیسرائیل، پێشبینی دەکرێت ئەمە ببێتە کردنەوەی دەرگایەک بۆ تاران و کەمکردنەوەی سزاکان و دەستپێکردنەوەی گفتوگۆ لەنێوان ئەو وڵاتە و ئەمریکا.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند: ''بۆ ئەوەی ئێران بیر لە بەرنامە ئەتۆمییەکەی نەکاتەوە لە هەفتەی داهاتوو، شاندێکی واشنتن لەگەڵ بەرپرسانی تاران گفتوگۆ دەکەن و ڕەنگە ڕێککەوتنێک واژۆ بکەن''.

 

لەلایەکی دیکەوە:  لە بارەی هێرشەکەی ئەمریکا بۆ سەر بنکە ئەتۆمییەکانی ئێران ترەمپ دووپاتیکردەوە،  هێرشی ئەمریکا بووە هۆی ئەوەی شەڕی نێوان ئیسرائیل و ئێران بە خێرایی کۆتایی پێبێت و سەرکەوتنێک بوو بۆ هەمووان.

 

باکگراوند: ڕۆژی یەکشەممە 22-6-2025، ئەمریکا هێرشێکی بەرفراونی کردە سەر سێ پێگەی سەرەکی ئێران ' نەتەنز، ئەسفەهان و فۆردۆ' بەمەبەستی لەناو بردنی بەرنامە ئەتۆمییەکەی.