هەواڵگریی تورکیا شکست بە پلانی کوشتنی ئەحمەد شەرع دەهێنێت

ئاڤا نیوز

 

میدیاکانی تورکیا بە پشت بەستن بە سەرچاوە هەواڵگرییەکانی ئەو وڵاتە بڵاویانکردووەتەوە کە ئەحمەد شەرع، سەرۆککۆماری سووریا لە پارێزگای دەرعا لە سووریا لە هەوڵێکی تیرۆرکردن ڕزگاری بووە. 

 

چیرۆکی سەرەکی: دوای ئەوەی هەواڵگری تورکیا زانیاریی بە هەواڵگری سووریا دەدەن لەسەر پلانی تیرۆرکردنی سەرۆککۆماری سووریا، لە دوایین ساتدا پلانەکە پووچەڵ دەکرێتەوە، بە گوێرەی زانیارییەکانیش هێرشەکە لەلایەن چەکدارێکی داعشەوە ڕێکخرابوو کە پێشووتر لەگەڵ حیزبوڵڵا کاری کردووە. 

 

زانیاریی بەدەستهاتوو: بە گوتەی دەسەڵاتداران، ئەو هێرشە لە لادێیەکی  دەرعا پلانی بۆ دانراوە، کە ناوچەیەک کە زۆرجار بۆشاییە ئەمنییەکان تێیدا دەقۆزرێتەوە، پلاندانەری تیرۆرکردنەکە چەکدارێکی بەئەزموون بووە و پەیوەندییەکانی ڕابردووی لەگەڵ حیزبوڵڵا بووە، بەڵام دواتر پەیوەندی بە ڕیزەکانی داعشەوە کردووە.

 

ئەوەی لەبارەیەوە دەگوترێت: میدیاکانی تورکیا بڵاویان کردووەتەوە، هێرشە تیرۆرییەکە لەلایەن هەواڵگرییەکانی تورکیا پێی زانراوە، دواتر هەواڵ بە هەواڵگری سووریا دراوە، ئینجا ئۆپەراسیۆنێک ڕێکخراوە و ڕێگری لە هەوڵی کوشتنی ئەحمەد شەرع کراوە.