حکومەتی سووریا ڕەتیدەکاتەوە مەزارگەی "سەیدە زەینەب" داخرابێت

ئاڤا نیوز

وەزارەتی ئەوقافی سووریا هەواڵی داخستنی مەزارگەی "سەیدە زەینەب" لە دیمەشق کە لەلای شیعە مەزهەبەکان پیرۆزە ڕەتدەکاتەوە و دووپاتی دەکاتەوە مەزارگەکە کراوەتەوە.

چیرۆکی سەرەکی: لە سەرەتای مانگی "محەڕڕەم"ـی کۆچی لە دوو ڕۆژی ڕابردوودا، هەواڵی داخستنی مەزارگەی زەینەبی کچی عەلی کوڕی ئەبو تاڵب لە ڕیفی دیمەشق و قەدەغەکردنی ڕێوڕەسمە حووسەینییەکان بە درێژایی ئەم مانگە لە میدیا و سۆشیاڵ میدیاکان بڵاوبووەوە.

ڕاگەیێنراوی فەرمی: وەزارەتی ئەوقاف و کاروباری ئایینی ڕایگەیاند: ئەوە هەواڵانەی بڵاوبوونەتەوە ناڕاستن، مەزارەکە کراوەیە لەبەردەم سەردانکەران، هیچ قەدەغەیەک نییە بۆ ئەنجامدانی سرووتە ئایینیەکان لە مەزارەکەدا لە کاتی عاشورا یان ڕۆژانی موحەڕڕەمدا.

زانیاریی زیاتر: وەزارەتی ئەوقافی سووریا دووپاتی دەکاتەوە شوێنەکە کراوەتەوە و هیچ گۆڕانکارییەک پەیوەست بە سەردان و بەڕێوەچوونی سرووتەکان ڕووی نەداوە.