ژمارەیەک قاچاخچی کورد بە 8 ساڵ زیندانی سزا دەدرێن

ئاڤا نیوز

دادگای فەرەنسا سزای هەشت ساڵ زیندانی و پێبژاردنی ماددی بەسەر 9 قاچاخچیی کورد و ئەفغانی دەسەپێنێت، ئەوەش دوای ڕووداوی نقوومبوونی بەلەمێکی کۆچبەران لە ساڵی 2022.

 

چیرۆکی سەرەکی: بەهۆی نقوومبوونی بەلەمێکی کۆچبەران لە ڕۆژی 14ـی کانوونی دووەمی ساڵی 2022 کە ژمارەیەک کۆچبەری بەڕەگەز ئەفغانی، ئەلبانی، هیندی و سەنیگالی، لە فەرەنساوە دەگوازتەوە بۆ بەریتانیا، کە بەهۆی ئەو ڕووداوە چوار کۆچبەر گیانیان لەدەستدا و چواری دیکەش بێسەروشوێن بوون و 39 کۆچبەریش ڕزگارکران.

 

چی ڕوویدا: پۆلیسی فەرەنسا لێکۆڵینەوەکانی لەسەر ڕووداوی نقومبوونی بەلەمەکە دەستپێکرد بە ئامانجی دۆزینەوەی ئەو قاچاخچیانەی کە هەوڵی بەقاچاخبردنی کۆچبەرانیان داوە، دواتر دادگای فەرەنسا بەپشتبەستن بەو زانیارییانەی لە پۆلیس دەستی دەکەوێت، فەرمانی دەستگیرگردن بۆ 9 قاچاخچی کورد و ئەفغانی دەردەکات.

 

زانیاریی بەدەستهاتوو: ئەمڕۆ دووشەممە 30-6-2025، دادگای فەرەنسا سزای (هەشت ساڵ) زیندانی بەسەر حەوت قاچاخچیی کورد و ئەفغانی سەپاند، هاوکات بە پێبژاردنی بڕی 50 بۆ 100 هەزار یۆرۆ بۆ هەر تۆمەتبارێکیان، سزا دران و دوای تەواوکردنی ماوەی سزاکەشیان، پێویستە خاکی فەرەنسا جێبهێڵن.