ئێران: زیانێکی زۆر بەر پێگە ئەتۆمییەکانمان کەوتووە

ئاڤا نیوز

 

وتەبێژی حکومەتی ئێران ڕایگەیاند، بەهۆی هێرشی ئەمریکا لە ماوەی ڕابردوو بنکە ئەتۆمییەکانمان دووچاری زیانی زۆر بوونەتەوە.

 

وێنەگەورەکە: ڕۆژی سێشەممە 1-7-2025، حکومەتی ئێران دانی بە زیانەکانی وێستگە ئەتۆمییەکانی بەهۆی هێرشەکانی ئەمریکا نا، ئەمەش لە کاتێکدایە کە بەشێک لە بەرپرسە ئێرانییەکان ڕایانگەیاند، زیانی وێستگە ئەتۆمییەکان کەمبوون و تواناکانیان لاواز نەکراون.

 

لێدوانی فەرمی: فاتمە مهاجرانی، وتەبێژی حکومەتی ئێران ڕایگەیاند: بەهۆی هێرشە ئاسمانییەکەی ئەمریکا لە  ڕۆژی 22-6-2025، زیانێکی زۆر بە وێستگە ئەتۆمییەکانی فۆڕدۆ و ئەسفەهان و نەتەنز کەوتووە.

سەبارەت بە ئاگربەست مهاجرانی گوتی، هیوادارین ئاگربەستەکە ببێتە هۆی ئاشتییەکی بەردەوام، هاوکات گوتیشی، ئیسرائیل بە هێرش کردنە سەر وڵاتەکەمان وێنای ئەوەی دەکرد کە دەتوانێت ئاژاوە بخاتە نێو ئێرانییەکان، بەڵام ئەوان ئێرانییەکان بە باشی ناناسن.

 

لەلایەکی دیکەوە: وتەبێژی حکومەتی ئێران ڕایگەیاند: تاوەکو ئێستا هیچ ئامادەکارییەک و کاتێک بۆ دانوستان لەگەڵ واشنتن دیاری نەکراوە.