سوپای ئیسرائیل کردەی سەربازی لە باشووری سووریا ئەنجام دەدات

ئاڤا نیوز

سوپای ئیسرائیل ڕایگەیاند: لە هەڵمەتێکی سەربازایدا بۆ سەر باشووری سووریا توانراوە لێکۆڵینەوە لەگەڵ چەند کەسێکی گومان لێکراو بکرێت.

ڕاگەیێنراوی فەرمی: لە ڕاگەیێنراوێکدا سوپای ئیسرائیل باسی لەوەکردووە، لە میانەی هەڵمەتێکی شەوانەدا توانراوە لێکۆڵینەوە لەگەڵ چەند گومان لێکراوێک لە باشووری سووریا بکرێت و هەڵبکوترێتە سەر شوێنەکانیان.

ئەوەی پێویستە بیزانیت: لە دوای کەوتنی دەسەڵاتی بەشار ئەسەد لە ساڵی 2024، سوپای ئیسرائیل لە نۆ خاڵی جیاوازدا سەربازانی لە خاکی سووریا جێگیر کردووە، ئەمەش بە گوتەی بەرپرسانی ئەو وڵاتە بۆ ئەوەیە وڵاتەکەیان لە مەترسی هێرشی دووژمنکارانە بپارێزن.