نزیکەی 1700 بازرگانی ماددەی هۆشبەر لە تورکیا دەستگیر دەکرێن

ئاڤا نیوز

لە ئۆپەراسیۆنێکی بازرگانانی ماددەی هۆشبەر لە 73 پارێزگای تورکیا لە ماوەی دوو هەفتەدا، 1695 بازرگان و فرۆشیاری ماددەی دەستبەسەرکراون.

چیرۆکی سەرەکی: بەمەبەستی ڕێگریکردنی لە بڵاوبوونەوەی ماددەی هۆشبەر لە سەرتاسەری تورکیا، لایەنە ئەمنییەکانی ئەو وڵاتە بەردەوامن لە هەوڵەکانیان بۆ ڕێگریکردن لە بازرگانیکردن بەو ماددەیە و ئۆپەراسیۆنی بەرفراوانیشیان دەستپێکردووە.


ڕاگەیێنراوی فەرمی: عەلی یەرلیکایە، وەزیری ناوخۆی تورکیا ڕایگەیاند: بەرەنگاربووبەوەی ماددەی هۆشبەر، هەوڵی ئێمەیە بۆ پاراستنی گەنجەکانمان، بۆ گەرەنتیکردنی داهاتوومانە. 

ئەوەی پێویستە بیزانیت: ئۆپەراسیۆنەکە لە غازی ئەنتاپ، ئەدەنە، ئیزمیر، قۆنیا، سامسون، ئەنتالیا، ئیستەنبووڵ و 73 پارێزگای ئەو وڵاتە کراوە، 1695 بازرگان و فرۆشیاری ماددەی هۆشبەر دەستبەسەرکراون.

ژمارەکان وادەڵێن: لەو ئۆپەراسیۆنەدا 479 کیلۆگرام ماددەی هۆشبەر، 783 هەزار و 80 ماددەی هۆشبەر لە جۆری حەب دەستی بەسەرداگیراوە.