ڕووسیا: بەڵگەی تێوەگلانی ئۆکراینا لە هێرشەکەی مۆسکۆ بەردەستە

ئاڤا نيوز

 

ڕووسیا ڕایگەیاند بەڵگەی ئەوەیان لەبەردەستدایە کە ئۆکراینا لە هێرشەکەی سەر هۆڵێکی کۆنسێرتی مۆسکۆ تێوەگلاوە. 

ڕاگەیێنراوی فەرمی: کۆمیتەی لێکۆڵینەوەی ڕووسیا ڕایگەیاند: بە گوێرەی ئەنجامی لێکۆڵینەوە لەگەڵ تیرۆریستە گیراوەکان، تاقیکردنەوەی ئەو ئامێرە تەکنیکییانەی کە دەستیان بە سەردا گیراوە و شیکاری زانیاریی و ئاڵوگۆڕە داراییەکان، بەڵگەی ئەوە بەدەستهاتووە کە ئەوانە لینکیان لەگەڵ کەسانی ئۆکراینیدا هەبووە. 

لەلایەکی دیکەوە: ئەمریکا بانگەشەی ڕووسیای بۆ تێوەگلانی ئۆکراینای بە هێرشەکەی سەر مۆسکۆ بە "پڕوپاگەندەیەکی بێواتا" ناو بردووە.

 
باکگراوند: 23 ی ئەم مانگە هێرشی چەکداری کرایەسەر کۆنسێرتێک لە مۆسکۆی پایتەختی ڕووسیا   143 کەس کوژران و زیاتر لە 100 کەسی دیکەش بریندار بوون.

ئەوەی پێویستە بیزانیت: داعشی خۆراسان پێشتر بەرپرسیارێتیی خۆی لە هێرشەکەی سەر مۆسکۆ ڕاگەیاندووە.