کۆمیسیۆن داوا لە لایەنەکان دەکات بۆ دانانی شوێنگرەوەی کاندیدە دوورخراوەکان

ئاڤا نیوز

کۆمیسیۆنی هەڵبژاردنەکانی عێراق سێ ڕۆژ مۆڵەت بە حیزب و هاوپەیمانیەتییەکان دەدات بۆ دانانی شوێنگرەوەی کاندیدە دوورخراوەکانیان.

ڕاگەیێنراوی فەرمی: بەگوێرەی ڕاگەیێنراوێک، کۆمیسیۆنی باڵای سەربەخۆی هەڵبژاردنەکانی عێراق تاوەکو چواری مانگی داهاتوو مۆڵەت بە لایەن سیاسییەکان دەدات کاندیدی جێگرەوەی کاندیدە دوورخراوەکانیان دیاری بکەن، بەپێچەوانەوە و لەدوای ئەو ڕێککەوتەوە هیچ جێگرەوەیەک بۆ ئەو کاندیدانە دانانرێن.

زانیاریی زیاتر: بەگوێرەی کۆمیسیۆن تا ئێستا 542 کاندید لە کێبڕکێی هەڵبژاردن دوورخراونەتەوە، لەو ژمارەیەش 253 کاندیدیان بەهۆی تۆمەتی پەیوەندییان بە حیزبی بەعسەوە لە هەڵبژاردن بێبەش کراون کە بەشێکی زۆریان کاندیدی لایەن سیاسییەکانی چوارچێوەی هەماهەنگیی شیعە بوون، 100 کاندیدی دیکەش بەهۆی نەبوونی پێوەرەکانی کاندیدبوونەوە دوورخراونەتەوە.